On peut aimer son pays ...
comme on aime sa bien aimée.
يمكن أن نحبّ بلاده...
كما نحبّ حبيبته
زينك أغواني
زينك أغواني
أدّاني و أبهرني عيناني
زينك آية و سرّ رباني
الخدّ و الحاجب و العينين
حبّك كواني
من زمان الزماني
أنت عمري و نور عياني
ملّي حلّت العينين
حسنك معاني
و قدّك غصن الباني
ربي خلق الإنساني
و أعطالو رموش العينين
هواك أدّاني
في بحر ثغرك رماني
ما عرفت أنعوم هاني
وسط المقلات و العينين
العينين حوراني
بشفار فيهم سلواني
و حاجبين قواس حرباني
السحر في لون العينين
النيف ماهو نصراني
مقدود رهيف ثاني
والسّر عرباني
بسهام ذوك العينين
المبسم سباني
واللّسان ينطق زيداني
الريق رحيق عسلاني
كي عسل نظرة العينين
سالفك سوداني
على الأكتاف طايح بلعاني
حرير و نوراني
زاد في جمال العينين
الصدر ما هنّاني
واليدّين بالحنّة زادوا لمحاني
بمسايس و خواتم ذهباني
سلبوا الخاطر و العينين
الزند عقياني
و الخصر ما هو فاني
السيقان لؤلؤ مرجاني
يسبوا حتى اللّي بلا عينين
عشقي ليك ما هناني
جمالك ألهمني و ساماني
حبي ليك في كل وقت و مكاني
سبابي لشفار و سود العينين
زينك سلطاني
فاق زين الروماني
لا ريت مثلو في بلداني
حاجب قدّ و عينين
خلقك ربّ الأكواني
آية من عندو هو الرحماني
يفعل مايريد في الإنساني
سبحانه عطاك تحفة في العينين
يا بلادي يا زينة البلداني
وصفتك بقلبي و لساني
و ما قدرت على النسياني
لا الشّط و لا بحر العينين
أمير بن الهاشمي. مارس 2008
