بعدما طالت الغيبة
رجعت بعد ما طالت الغيبة
بعد ليالي و يامات عصيبة
رجعت من بلاد بعيدة غريبة
بعد قصّة و حكاية عجيبة
حيرت أصحاب العقول اللبيبة
وليت ليك يا بلادي يا دزاير
يا بلادي بلاد العزّ و الحراير
وليت بعد ماهاجو عليّ لفكاير
و بعد ما عاد عقلي كثير حاير
على اللّي صرا و ما زال صاير
وصلتني السفينة جارية ليك
بعدما كنت براني بعيد عليك
شفت ليك و شفت لعينيك
تقولي بالتوكيد اللّي ماهو ليك
يا وليدي غير إيعييك
قعدت نشوف فيك بالتدقيق
و عينيّ ما صدقت بالتصديق
شفتك من بعيد بالتحقيق
و قلبي عليك يخفق خفيق
و غنيتلك بصوت خفيت رقيق
رسات السفينة على المينا
و لقيت بالدموع يمّة لحنينة
لقيتها عليّ حازنة و حزينة
ملّي فارقتها هاذو سنينَ
هي و حبابي و بلادي الزينة
جراوا خواتي يسلموا عليّ
و بكات اختي من بعد الكيّة
لقيت صحابي و اللّي ليّا
بعد طول المحنة و البلية
في بلاد باردة ماهي ليّّا
قداّم داري لقيت ولاد حومتي
لقيت كلّ حبيب و كلّ لمّتي
بكيت و جرات سخونة دمعتي
و عرفت شحال غالية سومتي
بعدها زال الغيار و زالت غمتي
سجدت للعالي سجدة طويلة
و شكرتو طول ذيك اللّيلة
كي رجعني لبلادي بتوسيلة
بعد أيّام ما كانت سهيلة
و أنا بعيد على برج بوليلة
هذي هي الدنيا و هذي هي لقدار
فيها المليح و الدوني و فيها المرار
ربي يبلينا و يشفينا من كلّ ضرار
يجرّبنا و يرفع علينا الأكدار
و عند ربي كلّ الخير و كلّ أسرار
أمير بن الهاشمي
Commentaires
Bonjour,
Merci pour ta visite qui a duré plus de dix minutes!!
oui, bien sur, tu peux mettre mon lien sur ton blog, c'est gentil d'y avoir pensé!
Au plaisir.
bonjour Amir,
j'ai reçu ton message ,je te remercie pour tes encouragements ....
bonne continuation ...
Merci mon ami le poète algérois. Tu continues à me donner une sensation de chez moi et j'en suis ravi. En attendant le retour vers chez nous, et come on dit "Lima Rahou Lik I3ayik"...
By
C'est sublime.
Ch'hal ne3ya ya bladi ou nwelli lik.
à bientôt.