هاذي عادة قديمة
أسمعوا يا أهل الوليمة و أسمعوا لهاذ الفال الزين
على وليدكم وليد لميمة عليه خموس و جبرين
هاذي عادة قديمة خلاّوها اللّي فاتوا
اليوم راهي عند وخيّي لعقوبة لوليداتو
إيسلّم هاذ الجماعة و إيسلّمهم كاملين
و خيّي هاذي ساعة متسلّي بيناتهم
لو كان بالصبر نصبر و الصبر واجب عليّ
مازال في طلوع سعدك و مازال نجمك إيعلّي
الرياح من تحت قدمك يا ريت أيّام زمان تولّي
و اللّه ما كنت أدري هاذ الجفا من الحبايب
و اليوم أرضاو بهجري خلاو دموعي سكايب
الخد كي الورد يفتح و القدّ كالغصن مايل
العين تذبال و تجرح و الريق يشفي لعلايل
ما أحلى غزالي بالشفار و القدّ كي الغصن مايل
مسرار بالعين نحّار و الريق يشفي لعلايل
الحباب عملوا لويلة حلفوا علينا نجيوهم
الفرح في دار لحباب يا اللّه كمّل فرحهم
إذا إيجيني سلامك نزهى و يبراو جراحي
و إذا يجيني غرامك يكثر عليّ نواحي
