ذ كــــريـــــات
بيني و بينك ذكريات طويلة عامرة و حكايات 
بيني و بينك تفكيرات حزينة و زاهية إذا والات
في خاطري شي نفحات في قلبي شي خفقات
على خدي كذا من دمعات على اليامات و ذوك الساعات
أنا و أنت زوج حمامات أنا الغريب المغرّب في المحنات
و أنت الشابة بلا خانات كي الجنان بلا روايح بلا زهرات
أنت الحزينة على الوردات اللي ذبالو من الهانات
حنينة أنت على الورقات اللي بقاو بلا مارات
أنا البراني يا سادات في دار الغربة بركات
أنا الوحداني في كل أوقات في قلبي و أحشاي النار قدات
أنت الضاوية في الظلمات و أنت الحلوّة في اللمات
شحال بكيت على القعدات و على صوت الموندول و النغمات
خاطري فيه شحال من حرقات على الجملة و الصحبات
عيني تدمع بالزخات و الدمعة موراها شهقات
يا دزاير يا لالات لبنات شحال عليك عيني أبكات قلبي عليك محروق كذا مرات و في صلاتي ما ننساك بالدعوات
http://algeriemusique.com/Videos/Clip-NaimaDziriaMeknin.php
