إستخبارات بكلام موزون فيه المعاني
أنا لوني صفار
أنا لوني صفار من كحلة الأشفار
و رجع قوتي مرار و قوات ضراري
في قلبي نار شاعلة ترمي بشرار
و اللّيل مع النهار صابر لضراري
سألت يا حضّار حدّ ما أتاني بخبار
حتى ضبي القفار ريتو ببصاري
حلفت ولفي و قالت يا عشيق
ما نورّيلك باب داري
يمّة يمّة
يمّة يمّة الناس تبكي على المال و الزين
و أنتي تبكي على الكبدة لحنينة
يمّة يمّة خايفة على وليدك مسكين
إذا في البحر تغرق بيه السفينة
و تقولي الغربة طالت بينا
و العديان تعود تستشفى فينا
لقد نبتت في قلبي
لقد نبتت في قلبي محبّتكم
كما نبتت في الكفّ تلك الأصابع
و حرام عليّ محبّة غيركم
كما حرّم اللّه على موسى تلك المراضع
إذا سالوك
الصمت من الذهب المبتّر
والحسّ فساد المسالة
إذا سالوك ما تخبّر
و إذا شفت قول لالا
نتفكّرك
نتفكّرك عند نومي
و يغيب عني نعاسي
في النهار يكثرو همومي
و من المحاين شاب راسي
أنا في حياتي
أنا في حياتي كسبت قيراط
و كلامي جبتو رباعي
قدّاش من واحد عطاه اللّه
و يقول عندي ذراعي
