راني بعيد عليك

راني بعيد عليك يا أمّا راني بعيد عليك

راني نتفكّر فيك يا أمّا راني نتفكّر فيك

هاذو سنين رحت أعليك

لبلاد ماهي ليّ ما هي ليك  

أدّاتني ليام الغدارة

و ارماتني في بلاد النصارى

هذا قدري عليّ و عليك

نبكي على بلادي و نبكيك عليك

راني بعيد عليك يا أمّا راني بعيد عليك

راني نتفكّر فيك يا أمّا راني نتفكّر فيك

كنت قدّامك تواسيني و أنواسيك

نشوف لصورتك و أنساميك

تحكيلي على دزاير ذيك المسرارة

و على اليامات الصعيبة و النكّارة

و اليوم راني بلا بيك

ماكي ليّ ماني ليك

راني بعيد عليك يا أمّا راني بعيد عليك

راني نتفكّر فيك يا أمّا راني نتفكّر فيك

موجة من عندي جات ليك

بعثت فيها سلامي و السوال عليك

ما فادني في الغربة لا فهامة لا شطارة

غير أيّام باردة ما فيها حرارة

يا أمّا توحشت نشوف لعينيك

نفاقدك و نقبّل يديك

راني بعيد عليك يا أمّا راني بعيد عليك

راني نتفكّر فيك يا أمّا راني نتفكّر فيك

يا حسراه على يامات بين يديك

كنت صغير ما نعرف قيمة اللّي ليك

حسراه على يامات راحوا خسارة

جرّعت فيهم المرّ النكد و المرارة

في بلاد بعيدة عليّ و عليك

الغربة ما فيها سلكة ما فيها سليك

راني بعيد عليك يا أمّا راني بعيد عليك

راني نتفكّر فيك يا أمّا راني نتفكّر فيك

أمير بن الهاشمي

  http://ma-tvideo.france3.fr/p/fr/iLyROoaftzsz.html